The Dialogue

The battle between the crass implementation and marketing of Green Buildings and the idea of habitat design on Earth was prophetically alluded by the writer duo of Salim- Javed in one of the most dramatic confrontation scenes in Hindi Cinema (Deewar, 1976, dir: Yash Chopra). Vijay (the "Rated Green Building" promoter/ designer), Ravi (the environmentally sensible designer) and Maa (Mother Earth) come together once more even as we speak about Sustainable design etc. Who will win?

Ravi: Bhai…iss kaagaz pe tumhara sign chahiye.

Vijay: Yeh kya hai

Ravi: Ismein…likha hai ke tum apne aap ko Ekistics ke hawale kar rahe ho; Apne saare buildings… townships ke naam aur pata ecological planners ko bata rahe ho.

Vijay: Ravi…tum jaante ho…

Ravi: Bhai tum sign karoge ya nahi

Vijay: Ravi…yeh sab…

Ravi: Bhai tum sign karoge ya nahi

Vijay: Ravi…tum…

Ravi: BHAAAAIII… TUM SIGNN KAROGEYYY YA NAHI???

(Silence)

Vijay: Haan...Main sign karoonga…Lekin main akele nahi karoonga; Main sabse pehle sign nahi karoonga. Jao, pehle uss aadmi ka sign lekar aao jisne Ward officer se sign liya tha. Pehle uss aadmi ka sign lekar aao jisne meri maa ko gaali dekar site se sab pedd nikaal diye. Jao pehle uss admi ka sign lekar aao jisne mere haath pe yeh likh diya tha!!! (rolls up sleeve to show " sustainable design sirf channd points hain"

...Uske baad…uske baad mere bhai tum jis kaagaz pe kahoge main uspe sign kar doonga.

Ravi: Doosron ke paap ginaane se tumhaare apne paap kam nahi ho sakte. Doosron ke jurm saabith karne se yeh sachchayi nahi badal sakti ki tum bhi ek mujrim ho; Aur yeh sachchayi…tumhaare aur mere beech ek deewar hai bhai… aur jab tak yeh deewar hai hum ek chatth ke neeche nahi reh sakte.Main yeh Green Building design chodd ke jaa raha hun. Abhi. Issi waqt. Chalo Maa.

Vijay: Tum jaana chahte ho jao,lekin Maa nahi jayegi.

Ravi: Maa!! mere saath chalo !!

Vijay: Kaha maine ki Maa nahi jayegi !!

Maa: Maa Jayegi.

Vijay: Nahi Maa! Tum mujhe choddkar nahi jaa sakti.Tum mujhe bahut chahti ho Maa. Main jaanta hoon tum mujhe choddkar nahi jaa sakti.

Maa: Main jaa rahi hoon Vijay!

Vijay: Nahi Maa!!! Tum nahi jaaogi!!

Maa: Woh aadmi jisne BMC mein sign li woh tera kaun tha? Koi nahi.

Woh aadmi jisne teri maa ko gaali dekar sab pedd nikaley who tera kaun tha? Koi nahi.

Woh aadmi jisne tere haath pe likh diya ki "sustainable design sirf channd points hain"…who tera kaun tha? Koi nahi.

Lekin Tu!!..tu toh mera apna beta tha…mera apna khoon!! Tu ne apne Maa ke maathe pe kaise likh diya ki uska beta ek bewakoof designer hai?

Vijay: Lekin maa…yeh sab maine tumhaare liya kiya. Yeh bangla, Yeh township, yeh Green Building… yeh sab tumhaare liye hai. Yeh sab kuch tumhara hai!! Aur tumhi mujhe chhodd kar jaa rahi ho?

Maa: Vijay…bada saudagar ban gaya hai re. Magar ek baat bolun? Apni maa ko khareedne ki koshish mat kar. Tu abhi itna ameer nahi hua beta... ki apni Maa ko khareed sakey.

(Vijay looks down...only to see his laptop screensaver showing images of Shanghai, Dubai, Gurgaon, Mumbai...)